Трет ден - трета среќа за Оливера

Во тешка борба, во која за време на основниот дел имаше доста кризни моменти, на крај Оливера Наковска Бикова успеа да се пласира во финалето на делба на првото место (поточно беше прва по внатрешни центри).

На 16.11.2011 година, нашата репрезентација се натпреваруваше во досциплината Малокалибарски пиштол слободен избор (Р4 free pistol). Во основниот дел, кој се стрелаше по доста ветровито време (значи за сите натпреварувачи беа исти условите) и кое драстично знае да ги намали резултатите, особено на стрелците кои подолго го задржуваат пиштолот пред испалување, нашите репрезентативци се пласираа: Оливера Наковска Бикова - на третото место со 528 кругови, Ванчо Каранфилов со 515 кругови и Бранимир Јовановски на седмото со 511 кругови.

Македонската репрезентација учествува на Светскиот куп во стрелаштво во Сиднеј. Бранимир Јовановски, кој е во улога на натпреварувач, селектор и тренер на нашата репрезентација со свои импресии од неговиот прв настап.

Бранимир Јовановски: „Во финале влегов како трет. Императивот за второ место кое воедно беше и директна квота за Лондон 2012 беше преголем. Многу адреналин, многу желба... мала деконцентрација... и пад на 4-тото место. Тоа е спортот - не секогаш оди по желбите и посакувањата. И останатите колеги имаа голема желба за висок пласман. Ние дадовме се’ од себе. Резултатите тоа не го кажуваат, меѓутоа сепак јас сум задоволен. Утре настапуваме на 50 м - пиштол слободен избор“.

Повеќе за случувањата на Светскиот куп во Сиднеј може да следите на http://www.ausshooting.org, а резултатите од денешниот настап може да ги погледнете и тука: Квалификации Спорт пиштол SH1 (линк); Финале Спорт пиштол SH1 (линк).

Вториот натпреварувачки ден (05.05.2011) на Светскиот Куп во стрелаштво во Аликанте се стрелаше дисциплината малокалибарски пиштол слободен избор. Со оглед на тоа дека стрелиштето има 26 употребливи стрелачки места за оваа дисциплина, а беа пријавени 55 стрелци, согласно правилата на ИССФ најнапред се одржаа елиминаторни борби кои воедно беа и натпревар за екипен пласман.

На Светскиот куп во Аликанте - Шпанија, нашата стрелачка репрезентација имаше успешен старт. Репрезентацијата во состав: Оливера Наковска Бикова, Ванчо Каранфилов и Бранимир Јовановски, во својот прв настап го освоија третото место во конкуренција на преку 240 учесници од 44 држави. Овој Светски куп е најголем во историјата на Меѓународниот Параолимписки Комитет.

Денес нашите стрелци ќе го имаат својот втор настап. Веруваме дека до крајот на денот, ќе се израдуваме уште од некој висок пласман.