Македонските параолимпијци од 22-30.09.2018 година учествуваат на Светскиот куп во стрелаштво во Шатору, Франција. Во состав на екипата се:Бранимир Јовановски-тренер и стрелец, Ванчо Каранфилов и Александар Јовановски-стрелци и Драган Дојчиноски тим менаџер и асистент.
Натпреварот е од квалификциски карактер за учество на Параолимписките игри во Токио 2020. На натпреварот учествуваат 232 стрелци од 44 држави од целиот свет.
Нашите спортисти на 25 септември настапија во дисциплината спорт пиштол на 25 метри во која недостатокот (на пред се доволно, а потоа и квалитетна) муниција си го направија своето, имаше неколку застои, многу нервози и пласманот не е онаков каков што посакувавме и очекувавме да биде.
СВЕТСКИ КУП ВО СТРЕЛАШТВО, CHATEAUROUX, ФРАНЦИЈА
МЕЃУНАРОДЕН ТУРНИР ВО ПИНГ ПОНГ „БУРГАС 2018“
Во Бургас, од 13-15.09.2018 година, во организација на Бугарскиот параолимписки комитет, се одржа меѓународен пингпонгарски турнир за лица со инвалидност, на кој настапија натпреварувачи од три држави: Македонија, Црна Гора и Бугарија.
На покана на Бугарскиот параолимписки комитет, нашата репрезентација ја сочинуваа спортистите: Страшко Коцевски-тренер и спортист, Рубинчо Ристески, Марјан Зафировски и Зоран Трајановски. Во состав на екипата беа и Бранимир Јовановски-претседател на Одборот за параолимписки игри при федерацијата и Драган Дојчиноски-генерален секретар на федерацијата.
Натпреварот се спроведе во поединечна конкуренција и во парови, а на крај беа прогласени и севкупните победници.
ДРЖАВНО ПРВЕНСТВО НА МАКЕДОНИЈА ВО СТРЕЛАШТВО 2018
На 09.09.2018 година, во организација на Националната федерација за спорт и рекреација на инвалидите на Македонија - Македонски параолимписки комитет, на стрелиштето „Бејбунар“ во Охрид се одржа Државното првенство во стрелаштво за спортисти со инвалидност на Македонија за 2018 година.
На првенството по посебни категории настапија 13 спортисти со телесен инвалидитет во три спортски дисциплини и 15 спортисти со оштетен слух во три спортски дисциплини.
Судии на натпреварот беа: Валентина Гоџовска, Бранимир Јовановски и Драган Дојчиноски, а натпреварот помина во фер и спортска атмосфера.
Средства за одржување на овој натпревар беа обезбедени од Министерството за труд и социјална политика и од Агенцијата за млади и спорт.
Постигнати резултати:
